Në faljen e meshës dhe në përcjelljen e fundit, pos shumë shtetarëve të huaj, ishte edhe presidenti i Republikës së Kosovës, Fatmir Sejdiu, pastaj ai i Sllovenisë Danilo Turk, presidenti i Rusisë, Dmitri Medvedev, por jo edhe Obama, Sarkozy e shumë burrështetas tjerë, të cilët janë penguar të vijnë në Krakov për shkak të problemeve me trafikun ajror që i shkaktoi reja vullkanike nga Islanda që ka mbuluar pjesën më të madhe të qiellit mbi Evropë.
Pjesëmarrja e Sejdiut u përshëndet nga liderët polakë, në fjalimet e tyre në ceremoninë e varrimit të presidentit Kaçinski.
Presidenti i Kosovës mori pjesë edhe në meshën kryesore në Bazilikën e Shën Mërisë , si dhe në varrimin në kështjellën Wawel.
Presidenti Sejdiu u takua dhe u shprehu ngushëllime familjarëve të presidentit Kaçinski dhe udhëheqësve kryesorë të shtetit polak, si dhe u nënshkrua në librin e zisë.