Wenger mirëpret rikthimin e Cesc

Arsene Wenger mendon se Cesc Fabregas është plotësisht i përkushtuar në Arsenalin, ndërsa ka lëvduar paraqitjen e Theo Walcott, që shënoi hattrick ndaj Blackpoolit.

“Ne duam të fokusohemi në sezonin tonë. Cesc vërtet dëshiron të fitojë dhe ai është tërësisht i fokusuar. Nëse shihni se si stërvitet ai, ju nuk do të dyshonit. Mendoj se të fitojë diçka me klubin do ta bëjë atë edhe më të madh. Mendoj se do të ishte arritje më e madhe se sa të shkonte te Barcelona. Ai u edukua këtu që nga mosha 16 vjeçare, u rrit në këtë ekip dhe ta shndërronte atë në skuadër fituese do ishte arritje e madhe për të”.

“Më pëlqeu loja e Walcott, për shkak se ai ishte i mirë në fund të takimit, ai bëri rastet dhe i përfundoi ato mirë. Ai fitoi dy aspekte tjera të një sulmuesi, ai pasoi kur është dashur ta pasonte dhe realizoi kur është dashur të realizonte. Kjo tregon se ai është lojtar inteligjent dhe se ai vazhdon të përmirësohet”, është shprehur francezi