Haradinaj lirohet të mërkurën?

Lideri i Aleancës për Ardhmërinë e Kosovës, Ramush Haradinaj pritet të kthehet në Kosovë këtë të mërkurë, kanë bërë të ditur burime brenda kësaj partie.

Javën e ardhshme Tribunali i Hagës do të marrë një vendim për lirim me kusht të kryetarit të AAK-së, ka thënë ky burim, njofton Koha.

Ndërsa i kontaktuar nga Infopressi, Besnik Tahiri, anëtar i Kryesisë së AAK-së dhe përgjegjës për komunikim në mbrojtjen e Haradinjat, ka thënë se nuk ka diçka konkrete rreth kësaj, por ka shfaqur shpresën se lideri i tyre do të lirohet sa më shpejt.

“Ne shpresojmë se z. Haradinaj do të vijë sa më shpejt që është e mundshme, pasi ai në të gjitha instancat ka respektuar drejtësinë ndërkombëtare”, ka thënë Tahiri.