Lionel Messi ka shënuar hat-trick tre gola për të ndihmuar Barcelonën të shënojë fitore 4-0 ndaj Sevillas (5-3 nga të dy ndeshjes) dhe të triumfojë në Superkupën e Spanjës.
Barcelona e nisi ndeshjen me 3-1 disavantazh nga ndeshja e parë, por kampionët e La Ligës arritën të shënojnë tre gola që në pjesën e parë të ndeshjes së kthimit dhe të përmbysin avantazhin e Sevillas.
Pas 14 minutash lojë në Nou Camp, pas një harkimi të ulët të Pedro Rodriguez, topi devijohet nga mbrojtësi i Sevilas, Abdoulay Konko dhe përfundon në rrjetë
Dhjetë minuta më pas, ylli i pazëvendësueshëm i Blaugranëve, Lionel Messi, shënoi golin e dytë për vendasit pas një harkimi të shkëlqyeshëm të Xavi Hernandez.
Messi ishte heroi i mbrëmjes pasi në fund të pjesës së parë shënoi edhe golin e dytë të tij dhe të tretin për Barcelonën, kësaj here pas një loje të shkëlqyeshme të Dani Alves (44’).
Messi duke bërë me shenjë kah trajneri Pep Guardiola pas golit të dytë të shënuar (Foto: AP)
Por kontributi i argjentinasit nuk mjaftoi me kaq, pasi në çastet e fundit të takimit, pas një asistitimi të Andres Iniesta, ai dërgoi topin në rrjetën e portierit Andres Palop për të tretën herë, për të treguar se është shtylla e Barcelonës.
Kjo është hera e nëntë dhe rekorde që Barelona ngre trofeun e Superkupës së Spanjës
Sun Aug 22, 2010 2:45 am